طلبك مرفوض

مين فينا ماترفضش في عمره بدل المرة ١٠٠ مرة؟! مين ماجربش وجع الرفض وعاش موصوم بيه لفترة في الضلمة لحد ما قدر يشوف النور من تاني؟! من صدمات نشأة الطفولة ورفض الأب والأم لإنجاب طفل تاني إتولدت نور بطلت الرواية ولقت الرفض بيستقبلها في الحياة اول ما دخلتها.. ومن رفض لرفض عاشت ٣٠ سنة من عمرها قبل ما تقرر تسيب الدنيا كلها وتمشي بس يا ترى الشخص المرفوض هو الضحية؟ والشخص الرافض هو المؤذي والمجرم؟ روايتنا ممكن تشوف فيها الحقيقة من زوايا مختلفة الأهل المستغلين ليهم أسبابهم والصديقة الخاينة ليها أسبابها والحبيب المؤذي اللي بيرفض حبيبته عنده ١٠٠ عذر والبطلة اللي عاشت حياتين متوازيتين بين دهب والقاهرة وكأنها شخصين مختلفين عن بعض تماماً بسبب (إضطراب الهوية المزدوجة) اللي عندها.. عندها مليون مبرر تنفصل نفسياً عن أهلها وتبدأ بنفسها حياة جديدة قبل ما ترفضها الحياة مرة أخيرة..