رحلة مع الوسواس القهري

جالك سؤال قبل كده عن يعني إيه وسواس قهري؟ بنسمع ناس كتير بتقول إنه وسوسة شيطانية, وناس تانية بتقول إنه اضطراب نفسي, طب يا ترى العلم بيقول إيه؟ هل هو فعلاً اضطراب ولا مجرد وسوسة شيطانية؟ هل في علاج ليه لو كان اضطراب؟ طب إيه هو العلاج؟ سمعت عن إن ممكن اضطراب يخلي المصاب بيه يسمع صوت إنفجار قنبلة في دماغه؟ طب ده يتقال عليه عنده اضطراب إيه؟ وفي أشخاص بتصدر أصوات وحركات بتكرارية غريبة بنشوفهم أوقات ومنبفهومش هما بيعملوا كده ليه.. يا ترى ده برضه اضطراب؟ سمعنا كتير عن مصطلح اسمه (ده عنده إنفصام في الشخصية)، هل المصطلح ده حقيقي وليه وجود في العلم؟ طب هل ممكن يكون في شخص فعلاً عنده كذا شخصية؟ ولو ده موجود فعلاً يتقال عليه عنده إيه؟ هل ممكن الجن يلبس إنسان؟ ولا البنت اللي بتتكلم بصوت راجل أو صوت طفل واللي بتتكلم بصوت مش مفهوم.. كلها أعراض من اضطراب ما؟ هتعرف إجابته بكل الأسئلة دي وغيرها كتير.. لما تفتح الكتاب وتبدأ رحلتك فيه مع أول صفحة ستقرأها بداخله.