شكة دبوس

هذا الكتاب لا ينقي للأدب بصلة، وهو ليس كوميدي ولا يعتبر ساخر لا يهدف للربح بل للربح الكثير قوي. أي أنه .. وزي ما قولنا في الجزء الأول مجرد عبث فارغ من أي حكمة"، وحبة فلوس ضايعين على الأرض وخلاص. وعشان كدة حبيت أفهمك الملحوظة دي واللي بتقول إن القواعد اللي عدينا عليها في الجزء الأول لسه ماشيين عليها في الجزء ده، يعني من الآخر ومن غير صداع "هما 30 حكمة ونصيحة يا بنت الناس هنقولهم لك في 30 مشهد و 10 فصول، ولسه عندنا تمهيد وحكمة وأحداث ونفس الكلام عشان بس الدنيا تمشي واللي مش عاجبها الكلام تسيب الكتاب عشان هما نفس كل حاجة بالظبط، وبالتالي هنقول نفس البداية اللي قولناها المرة اللي فاتت عن إن ده مش كتاب شقط، يعني حضرتك تروحي ترتبطي وتجيلي بقى زي الشاطرة وأنا أحاول أنقذك من المصايب اللي هتعمليها. و أخيرًا بقى - هذا إهداء مني إلى طحالب بشكل عام، وحنجرة البخاري بشكل خاص، وإلى صناع ومؤسسي "بيس كيك" وكل محبي الألش واللعبة الحلوة، وتحديدًا برنامج "رومانسية منسية" اللي كان السبب إني أكتب العمل ده بأجزائه المختلفة لأنهم أحسن حد بيقدم محتوى كوميدي في الفترة الأخيرة، ولأنه برنامج بيبرز قيمة التعاون بين الراجل والست في كل مشاريع حياتهم ديمقراطي أهو". ولذلك أتوجه بالشكر إلى صناع هذا المحتوى الرايق، وعلى رأسهم "يايا، برعي، مروان، حازم، مجدي، كريم، صافي والكتكوت حدوقة ..... ثوانى كدة كتكوت... عندنا! إيه يا صافي ده؟!